ONZA Education

ONZA Education буюу ОНЗА Боловсрол нь Шинэ Зеланд улсад дэлхийн түвшний боловсрол эзэмших замаар хувь хүний хөгжлийн зорилгодоо хүрч, амьдралдаа эерэг өөрчлөлт хийх боломжийг хайж байгаа Монголчуудын итгэлт анд байхыг зорьж байна. Бид тус улсын боловсрол, сургалтын байгууллагууд, хөтөлбөрүүдийн талаар гадаад оюутнуудад баталгаатай, тэнцвэртэй мэдээлэл өгч, мэргэжлийн түвшинд зөвлөх, зуучлах эрх бүхий мэргэшсэн боловсролын зууч юм.

Зөвлөх үйлчилгээ нь мэдлэг, чадвар, туршлагаас гадна итгэлцэл дээр суурилдаг. Манай боловсролын зөвлөх багийг Аюурзанын Одонзаяа удирдаж байна. А.Одонзаяа нь ШУТИС-КтМС-ийн Мэдээллийн Технологийн менежментийн Бакалавр, Их Британийн Манчестерийн Их сургуулийн (University of Manchester) Хүний нөөцийн сургалт, хөгжил мэргэжлээр Магистрын зэрэгтэй. Сүүлийн 20 жилийн хугацаанд Монголын топ аж ахуйн нэгжүүд болох ХААН Банк, Оюу Толгой, Рио Тинто, Мобиком, MCS электроникс компаниудад мэргэжлээрээ ажилласан. Тэрээр талент удирдлага, карьер хөгжлийн Зөвлөхийн давуу талаа ашиглан Зеландад сурахаар сонирхож байгаа Монголчуудад боловсролын зөвлөгөө өгч байна. А.Одонзаяа нь Auckland хотод амьдардаг.

Бидний давуу тал

Итгэж болох Боловсролын Зөвлөх
(Гэрчилгээ NZCG #17)

Зөвлөх А.Одонзаяа нь Хүний нөөц, Карьер хөгжлийн зөвлөх төдийгүй Шинэ Зеландын боловсролын системийг гадаад оюутнуудад таниулан сурталчлах, зөвлөн элсүүлэх, оюутны виз мэдүүлэхэд туслалцаа үзүүлэхээр бэлтгэгдсэн Монголын анхны мэргэшсэн Боловсролын Зөвлөх юм.

"Тэнцвэртэй сэтгэл зүй, Гэгээлэг ирээдүй"

Сэтгэл зүйн тэнцвэртэй байдал нь итгэл дүүрэн ирээдүй рүү хөтөлдөг тул Онзоза ХХК нь хувь хүний хүсэл, хэрэгцээнд нийцсэн багц зөвлөгөө үйлчилгээг хослуулж "Тэнцвэртэй сэтгэл зүй, гэгээлэг ирээдүй" уриатайгаар өсөлт хөгжил, өөрчлөлт төлөвлөж байгаа бүх насны суралцагч нарт:

сэтгэл зүйн эрүүл мэндийн зөвлөгөө,
карьер хөгжлийн зөвлөгөө,
боловсролын зөвлөгөөг санал болгож байна.

ОНЗА нь Онзоза ХХК-ийн брэнд нэр. Манай ONZA Education баг Шинэ Зеланд улсын боловсролын итгэмжлэгдсэн зөвлөгөө, зуучийн үйлчилгээг, харин NominCounselling баг сэтгэл зүйн эрүүл мэндийн зөвлөгөө үзүүлдэг.

Бид мөн байгууллагуудтай гэрээгээр хамтран ажиллаж, ажилтны сэтгэл зүйн эрүүл мэндийн сургалт, байгууллагын талент удирдлагын чиглэлээр сургалт явуулж, зөвлөгөө өгч байна. Мөн байгууллагын, бүлгийн англи хэлний сургалтуудыг захиалгаар Шинэ Зеланд улсад зохион байгуулж байна.